وكالات//

مزال التهم والشكاوي ضد الرابور الميريكاني المشهور شون ديدي مابغاتش تسالي، ودابا كيواجه تهم جديدة ثقيلة.

على حساب ماقالت الصحافة ديال ميريكان، فخمسة ديال الناس جداد، قدمو شكايات جديدة ضد شون ديدي، وكيوجهو ليه تهم ديال الاغتصاب والتحرش والتهديد ديالهم بالقتل.

من بين الشكاوي الجداد، على حساب مقال موقع Page Six الميريكاني أن واحد البنت كتقول إن “ديدي” اغتصبها عام 2004، بعدما عيط عليها لموقع تصوير.

وقالت إن ديدي دخلها لواحد المخزن وغتاصبها هي وصاحبتها، وهددها بالقتل إيلا مابغاتش.

وحتى واحد الراجل آخر، ممعروفاش الهوية ديالو تاهم حتى هو ديدي أنه اغتاصبو هو و2 من الحراس ديالو، وقالو أنهم غادي يقتلوه إيلا مابغاش.