هناء ابو علي – كود كازا ///

التصرفات الهرگاوية كضيع على خزينة الدولة لملاير. اه لملاير.

https://www.facebook.com/share/v/1A8Ty3oYvR/?mibextid=wwXIfr

درنا تجربة ف”كود”. تصورو هاد الصباح الاربعاء 23 أبريل 2025 فزنقة فالوازيس وغير ف2 دقايق سجلات كاميرا كود” 12 مخالفة سير تتعلق بعدم احترام عدد من سائقي السيارات إشارة ممنوع المرور.

هاد الشي كيوقع وبشكل متكرر فمنطقة الوازيس وبالضبط تقاطع شارع الإمام مسلم وزنقة إيبيس.

ردنا عملية حسابية. المخالفات اللي داروها هادو حددات مدونة السير عقوبتها ف700 درهم لكل مخالف وتحيد لباباه 4 نقط من رخصة السياقة.

12 سيارة المخالفة يعني الدولة كان من المفروض تستخلص 8400 درهم فجوج دقايق. ولكن هاد الهرگاوا فهاد الزنقة وغيرها كيتحداو كلشي وغياب شرطة المرور او عدم قدرتها تكون فگاع المناطق كيخليهم يحكمو كازا ويرجعوها كيف هي اليوم