گود سبور//

من المنتظر تعرف نسخة كأس أفريقيا “المغرب 2025″، متابعة عالمية وقياسية غير مسبوقة من كافة أنحاء العالم، وهاذ الشي كايبان من خلال النگالزا اللي شراو حقوق البث ديال ماتشات البطولة باش يتفرجو فيها فـ بلادهم.

وخدات القناة البريطانيةChannel 4  الحقوق الحصرية لبث جميع مباريات كأس أمم إفريقيا، وهادي هي المرة الأولى اللي غادي تكون فيها البطولة متاحة كاملة على التلفزيون المفتوح فـ المملكة المتحدة.

وغادي تنقل 52 مباراة عبر Channel 4 وE4 و4Seven ومنصة Channel 4 Streaming وقناةChannel 4 Sport على موقع اليوتيوب، وبالتالي فالنگالزا غاديين يتفرجو فـ كأس افريقيا باش يشوفو النجوم الأفارقة اللي كايلعبو عندهم فـ النگليز، كيفاش كايتألقو فـ القارة الافريقية، مع العلم ان كاس افريقيا “المغرب 2025” غادي تكون فيها متابعة جماهيرية كبيرة، خصوصا وأنه من المنتظر تكون هي أحسن نسخة فـ تاريخ كوب دافريك.