زنجبار-گود سبور//

كاتعيش جزيرة زنجيبار التنازانية على اجواء فينال كأس الكونفدرالية الافريقية لكرة القدم، بين نهضة بركان وسيمبا التنزاني اللي غايتلعب الاحد الجاي فتيران امام فالجزيرة.

وحسب ما عاينو جورنال “گود” بزنجيبار اليوم الجمعة، فالجزيرة التنزانية عايشة أجواء استثنائية، وما كاين حتى هضرة بين السكان ديالها غير على الفينال بين نهضة بركان وسمبيا.

والمفاجأة ان الجماهير التنزانية منقسمة على تشجيع الفريقين فهاد الفينال، حيث كاينة فئة منهم غاتشجع سيمبا وهذا الشي هو العادي، ولكن اللي اكتشف جورنال “گود” وهو كايدور فشوارع زنجيبار، هو ان عدد من التنزانيين غايشجعو نهضة بركان، وهذه الفئة هما المشجعين ديال فريق يانگ افريكانز غريم سيمبا التنزاني.

وتلقا “گود” مع واحد من جماهير يانگ أفريكانز، اللي لقاه كايشري توني ديال نهضة بركان من شي محلات فزنجبار عارضينهم للبيع، ويالضبط حدا تيران أمان، وسولو فقال انه قرر يشري توني نهضة بركان باش يمشي نهار الماتش للتيران يشججع الفريق المغربي، حيث ما عندوش مع سيمبا وكايبغي يانگ أفريكانز وما باغيش سيمبا يحتفلو، وقال ايضا انه متوقع ان بركان يربحو كاس الكاف بفوز فالفينال بنتيجة كبيرة تقدر توصل حتى 5-0.

التونيات ديال نهضة بركان واجدين للبيع فالمحالات، ومولات واحد المحال فزنجيبار وضحت لـ “گود” انها جابت تونيات النهضة البركانية تبيعهم حيث عليهم إقبال، والتنزانيين كايشريوهم والفريق المغربي عندو شعبية بتنزانيا واخا لاعبين الفينال ضد سيمبا.