كود – كازا ///

قالت تقارير إعلامية ف اسبانيا، أن نظام الإنذار السريع للأغذية والأعلاف التابع للاتحاد الأوروبي رصد، ف الأيام الأخيرة، عاوتاني تنبيه صحي جديد فالصبليون على التوت المغربي بسباب التهاب الكبد الوبائي. ويتعلق الأمر بشاحنة وصلات مؤخرا للصبليون.

وف السياق ذاته، انتقدات منظمة للمستهلكين في إسبانيا نشر المعلومات المحدودة من المفوضية الأوروبية حول جميع أنواع لفريز المستوردة من المغرب، لأنها ما كتقدمش تفاصيل حول الشركة المنتجة أو حتى المنطقة اللي فيها الفيرما منين خرجات الشحنة المذكورة.

وف 6 أبريل الحالي، نشر نظام “RASFF” الأوروبي (نظام الإنذار السريع للأغذية والأعلاف)، تنبيه صحي ف إسبانيا بسبب بطيخ مغربي فيه مخلفات مبيد حشري، ويتعلق الأمر على بقايا الكلوربيريفوس بتركيز  أعلى من المستوى اللي كتسمح به السلطات الصحية.

هاد الشي ديال التنبيهات كتكون كثيرة. كيديرها هاد النظام الاوربي لمنتجات فلاحية جاية من العالم كولو وحتى اللي كاينة فاوربا. طبعا المغرب خاصو يرد بالو بزاف. يدير ديما تحاليل. بعض المرات كتكذب تحاليل المغرب وجود شي فيروس او شي حاجة فالصادرات المغربية