كود – وكالات//

علنات وزارة الثقافة والسياحة التركية على واحد الاكتشاف أثري مهم فأشغال التقلاب فمدينة لاوديسيا القديمة، الباحثين لقاو تمثال رخامي كبير للإلهة اليونانية أثينا، إلهة الحكمة والحرب.

أثينا كتعتبر من أهم الآلهة فالدين الإغريقي القديم، حيث معروفة بالحكمة والحرب والعدالة والفنون والحرفة.

وكيف ما كانت معروفة بأنها حامية المدن والحضارات، وأشهر مدينة ارتبط اسمها بها هي مدينة أثينا اللي تسمات عليها وبعد مشات اثينا عند الرومان باسم “مينيرفا‘‘.

التمثال اللي تلقا واصل طولو لجوج ميترو، ومصنوع كامل من الرخام الأبيض، وخا تلقا بلا راس، التمثال كيصور أثينا لابسة ثوب بلا كمايم معروف بـ“بيبلوس”، ومعاه عباية على العنق، وعلى صدرها شعار “الإيجيس” المرصع براس ميدوسا ومغطي بلفاعي.

حسب التحليل الفني، الباحثين قدرو أن التمثال كيرجع لعهد الإمبراطور الروماني أوغسطس (بين 27 قبل الميلاد و14 ميلادي). وزير الثقافة والسياحة التركي محمد نوري إرسوي قال إن المسرح فين تلقا الكتاب اللي كان فضاء ديال ملاحم هوميروس بحال شي مركز ثقافي مهم فالعصور القديمة، وأكد أن جودة التمثال كتبيّن الطراز الفني الراقي ديال العصر الأوغسطي.