وكالات//

مات واحد الراهب بوذي وتصابو 5 خرين، بعدما طاح عليهم واحد التمثال ديال “بوذا” مصنوع من البيطون ويالاه تبنا والطول ديالو تقريبا 12 ميترو.

وعلى حساب مقالت القناة التلفزيونية الوطنية السابعة في تايلاند، هادشي وقع فواحد من معابد بوذا لي على واد ميكونغ شمال شرق تايلاند، لي قريب من الحدود مع لاوس.

الحادثة وقعات نهار الاثنين لي فات، وطاح التمثال، لي تم تركيبو على قاعدة ارتفاعها 3 مترو، بشكل مفاجئ على مجموعة من الرهبان كانوا قراب منو.

وقالت نفس التقارير أن واحد من الرهبان مات، وتصابو 5 خرين، وواحد آخر فلت منها بعدما هرب بلا ميوقع ليه والو.

السلطات ديال البلاد دارت واحد البيان كتقول فيه أنها غادي تحل أونكيط باش تعرف الأسباب ديال هاد الكارثة، ودابا الأصابع ديال الاتهام الأولى كتمشي للناس لي بناوه.