وكالات//

تهزات فرنسا على وقع جريمة جديدة الضحية ديالها لمعلمة، والمتهم هو واحد التلميذ باقي صغير في عمرو.

على حساب ماقالت الصحافة ديال فرنسا فالجريمة وقعات في بلدة شيميل أون أنجو في غرب فرنسا، والمعلمة تضربات ضربات خايبة بزاف في الوجه ديالها.

ولكن السلطات ديال البلاد قالت بللي الحالة ديالها ماشي خطيرة، يعني مكتهددش الحياة ديالها.

كيقولو الشهود أن التلميذ تزايد في الهضرة مع الأستاذة ديالو وهو يضربها بموس فوجهها وهو يعلق من الشرجم ديال القسم، ولكن الجوندارم شدوه وهو هارب.

وزير الداخلية ديال فرنسا استبعد أن الهجوم يكون عندو خلفيات دينية ولا تطرف، ووزيرة التعليم عبرات على الصدمة ديالها من الواقعة.