وكالات //

تقدمات مديرة ديال واحد المدرسة في العاصمة النكليزية لندن أمام المحكمة العليا، بسباب واحد الدعوى ضدها بعدما قررات أنها تمنع التلاميذ المسلمين من تأدية الصلاة.

على حساب ماقال الجورنال ديال “ديلي تيلغراف” البريطاني فهاد السيدة دارت واحد البيان فالمدرسة كيمنع المسلمين من الصلاة داخل المدرسة.

ومن بعد قرر واحد التلميذ يرفع عليها دعوى فالمحكمة العليا، وداكشي لي وقع نيت بعدما استدعاوها باش يسولوها على سبب هاد القرار ديالها.

وحينت منعاتهم من أنهم يجيبو الزرابي ديال الصلاة، اضطرو 30 تلميذ أنهم يصليو غير فشي ممارات موسخين ف المدرسة، وهو شي لي غضب المسلمين ديال بريطانيا ودارو عليها حملة وكيتاهموها بالكراهية للإسلام والمسلمين.

من جيهتها كتقول المحامية لي كتدافع على التلاميذ المسلمين إن هاد الدراري مادارو حتى شي حاجة كتخرق القوانين الصارمة لي فارضاها المؤسسة، ومن حقهم يمارسو الشعائر الدينية ديالهم.