وكالات//

عبّر الأمير ويليام على التأثر الكبير ديالو بالشجاعة ديال عدد من وليدات غزة اللي تْنقْلو هاد الأيام للمملكة المتحدة باش يتعالجُو فمراكز طبية متخصّصة.

وجا هاد اللقاء من بعد ما تْنقْل 50 طفل من غزة مع العائلات ديالهم مباشرة لبريطانيا فالأسبوع اللي فات، حسب وزارة الصحة والرعاية الاجتماعية البريطانية.

وقال قصر كنسينغتون بلّي ويليام بغا يعطي لهاذ الأطفال “لحظة ديال الراحة” من بعد داك الشي الصعيب اللي دازو منّو.

وقال ناطق باسم القصر بلّي أمير ويلز تلاقى مع الأطفال اللي كيتعالجو فالمراكز ديال هيئة الخدمات الصحية الوطنية، وزاد: “الأمير تمنّى يخفّف عليهم، حيث دازو من تجارب اللي ما خاصّ حتىشي طفل يعيشها”.