كود – وكالات//

فـبطولة سينسيناتي ماسترز 1000، أماندا أنيسيموفا قلبات الماتش ضد ألكسندرا إيالا، وربحاتها بـ4-6، 6-4 و6-2، ولكن اللقطة اللي خطفات الأضواء ما كانتش هي الرباح، وإنما واحد المشروب اللي كانت كتشربو وسط الماتش.

انَت أنيسيموفا، اللي عندها 24 عام، بانت وهي كتحط كاس وكتعمرو بشي حاجة كتشبه بزاف للبيرة، الكاميرات شدّات اللقطة، والصورة انتاشرات دغيا فالسوشيال ميديا، حتى أن واحد من المتابعين علّق باستغراب: «واش كتشرب البيرة وسط الماتش؟».

https://twitter.com/i/status/2089569446566514816

وخا أن اللاعبة ما كشفاتش شنو كان بالضبط فالكاس، متابع كيقولو بلي شربات شي حاجة ديال الطاقة بحال «ريد بول».

والسبب اللي خلا أنيسيموفا تخبي القرعة هو الإشهار،حيث القوانين كتفرض قيود على الطريقة اللي كيبانو بها العلامات التجاريةوبالتالي فاللاعبة ما كتكونش قادرة تشرب مباشرة  تشرب من القرعة قدام الكاميرات.

اللاعبة الأمريكية قالت بلي كانت محتاجة لشي دفعة معنوية وسط الماتش، خصوصاً بعدما لقات راسها خاسرة فالاول، قبل ما ترجع بقوة وتقلب النتيجة لصالحها.