كود هناء ابو علي ///

https://www.facebook.com/watch/?mibextid=WC7FNe&v=891607786065685&rdid=h72pZvtyxIraMmFc

كيفاش مهرجان وصل للدورة 21 وحقق اشعاع عالمي بحال مهرجان مراكش الدولي للفيلم ما قدرش يخلق جمهور مسكون بالسينما. يبقى يشوف الافلام. كنهدر على الجمهور كولو ماشي على نسبة منو.

فالمهرجانات لكبيرة بحال “كان” عندهم عرض فيلم بحال شي قداس ديني. خشوع واحترام.

البارح السبت 30 نونبر 2024 بقصر المؤتمرات٬ كان حدث كبير فهاد المهرجان٬ وهو تكريم احد كبار الفن السابع الامريكي شون بين. غير يقبل شون بين التكريم راه اشادة بقيمة هاد المهرجان.

تصورو سالى تسلمو للنجمة الذهبية من يد الممثلة الإيطالية فاليريا كولينو٬ عرضو فيلم “ميلك” اللي دا بيه اوسكار على هاد الشخصية السياسية اللي قاوم مجتمعو الصغير ولكبير =السياسي=. الفيلم من اخراج گاس ڤان سونت. راه من انتاج 2008 وتعرض فالقاعات وداز فالسينما. رغم هاد لشي ويوم تكريم هاد عبقري التمثيل وبحضورو٬ يخرجو عدد من المدعويين لهاد الحفل.

تصورو فهاد التكريم شكر بين فكلمتو الملك محمد السادس والأمير مولاي رشيد، رئيس مؤسسة المهرجان الدولي للفيلم بمراكش وقال باللي محظوظ يشارك فهاد التظاهرة الدولية التي تجمع شخصيات ملهمة عبر العالم واضاف باللي سعيد باكتشاف المغرب وجمهور مدينة مراكش للي وصفو باللي مهرجان “ينهض بقيم التنوع من خلال الفن السينمائي الذي يتيح للجميع التعبير عن ذاته”

ووصفاتو الممثلة الايطالية فاليريا كولينو ب”فنان استثنائي، وإنسان متفرد، سواء كممثل ومخرج، أو كناشط ملتزم، يتسم بكاريزما هائلة ومزاج حاد”

هاد الاستثنائي اللي قال هاد لكلام علي بلادنا يتصدم باش يشوف الناس خارجة على بوسة بين جوج شخصتين فمهرجان سينمائي عمرو 21 عام. هادا كيعني كاين شي خلل فشي بلاصة فتنظيم هاد المهرجان اللي تخلق باش يكون فضاء للحوار وقبول الاختلاف والتسامح.

معاك ممثل عندو جوج اوسكارات وتخرج ففيلم زوين علي لقطة. هادا رد علي هاداك اللي جابوه للمهرجان واسمو علي حجي وعاطيها للتنظير ولكلام الخاوي والخرجات عند لفرنكوفونيين. ها نتيجة تدبيرو لجزء من هاد المهرجان.