كود كازا ///
البارح لثلاث 24 شتنبر 2024 فعرض خاص لفيلم “ايام صيف” بميگاراما فكازا قبل من توزيعو وطنيا٬ كان واحد تكريم مرتجل زوين للفنان محمد الشوبي احد ابطال هاد الفيلم اللي دار ليه الاخراج فوزي بنسعيدي
بدا هاد التكريم باش اشاد بنسعيدي بهاد الممثل “الصديق” للي رافقو فجميع افلامو. بجوج اولاد المعهد العالي للمسرح والتنشيط الثقافي. ثم تبعاتو القاعة 8 اللي كانت عامرة بالمدعويين. صفق الحضور المتنوع بزاف لهاد الفنان لفترة ماشي قصيرة باش جبدو اسمو. باش طلع للخشبة وحالتو الصحية فتحسن٬ وقف كاع اللي فالقاعة وبقى يصفق لفترة.
التكريم ماسالاش فهاد الحفاوة فالاستقبال بل عطاو لمحمد الشوبي مشموم ورد زوين.
كلشي كان فرحان بيه. كلشي كان ناشط لتحسن حالتو. مراتو وولدو شافو هاد الحفاوة.
صعيب تلقى مخرج يسمح لفنان يحضى بهاد التكريم فعرض ما قبل الاول. لكن مع فوزي بنسعيدي المسرحي والسينمائي والممثل ديما كتلقاه كيعشق الممثلين والممثلات
البارح بان الشوبي. فرح الجمهور بهاد الظهور.
