كود – عن إل فارو دي مليلية

بزاف ديال أفراد الجالية المغربية فـي الخارج طلع ليهم الدم بالمعقول من الفوضى والصفوف الطويلة وفترات الانتظار القياسية في معبر بني انصار في الويكاند الأخير. وأجمعت شهادات استقتها جريدة “إل فارو دي مليلية” على تحميل المسؤولية إلى الجانب المغربي.

وطالب عدد من أفراد الجالية  السلطات بتوفير المزيد من الموارد لتحمل الانتظار وسط الصهد. وأضافت الجريدة ذاتها، أن الوضع على معبر بني انصار، نهار  الأحد، كان عبارة عن فوضى عارمة.

وقالت فاطمة، وهي إسبانية كانت كتسنى فـي صف طويل، أول أمس الأحد : “إذا كانو باغينا منجيوش للمغرب.. غير يقولوها لينا ومغاديش نبقاو نجيو”، كما انتقدت تخصيص غير 2 ديال العناصر أمنية مغربية المغربية لطبع الباسبورات ديال الناس واخا عارفين حجم الوافدين على الجانب الإسباني من المعبر..

وكانت فاطمة تنوي العبور إلى المغرب باش تلتحق بعائلتها وتدوز كونجي واعر. وصرحات أنها وصلات من ألميريا في عبارة مع الستة ديال الصباح، وكانت كتوقع باش تدخل للمغرب مع 12 ديال النهار، لكن على حساب الفوضى اللي كاينة، مغادي تقدر تدخل للمغرب حتا الليل.

وصورت الجريدة الإسبانية مشهد لخص كلشي وهو عبارة من المئات من الطوموبيلات تحت الشمس وعدد من الأشخاص تصابو بالجفاف والدوخة وعائلات كتلقب على الظل والمطاعم بسباب الجوع.