وكالات//

بارطاجاو بزاف ديال الناس في السوشيال ميديا في تركيا وبزاف ديال الدول العربية واحد الفيديو كيبين واحد الراجل كيشبه للرئيس السوري الهارب بشار الأسد.

وكيبان في الفيديو، لي جاب ملايين المشاهدات، رجل كيشبه للأسد، وهو خارج من حانوت في مدينة ديار بكر لي فيها الغالبية الكردية وكاينا في الجنوب الشرقي ديال تركيا.

وعاودو بزاف ديال الناس بارطاجاو هاد الفيديو وعلقوا عليه بعباراة “بشار الهارب كيبان في ديار بكر”.

وكيبان في الفيديو الشبه الكبير بزاف بين هاد السيد وبشار الأسد، سواء في الملامح ديالو ولا حتى في الطول ديالو.

ومعروف دابا أن بشار الأسد خدا اللجوء السياسي في روسيا، بعدما هرب من بلادو بعدما نجحات الثورة.