كود – وكالات//

فريق علمي تابع Columbia University  استعمل لأول مرة تقنية دقيقة سميتها “تعديل القواعد” (Base Editing) باش يبدل حروف محددة فـDNA  ديال أجنة بشرية.

الباحثين جرّبو التعديل على ثلاثة جينات، واحد منهم كيتسمى PCSK9، وهو مرتبط بنسبة الكوليسترول الخايب فالدم، لي مني كيتعدل كينقص خطر الإصابة بأمراض القلب والشرايين، والجوج الآخرين HBG1 وHBG2 مرتبطين بإنتاج نوع من الهيموغلوبين، والباحثين كيدرسو واش يقدرو يستعملوهم لعلاج أمراض الدم الوراثية بحال فقر الدم المنجلي والثلاسيميا.

الباحثين كيقولو باللي هاد التقنية غاتقدر مستقبلاً تعاون على إصلاح طفرات وراثية لي كتسبب أمراض خطيرة قبل ما يتزاد الطفل. هاد الخبر خلّى بزاف ديال العلماء متحمسين، حيث التقنية باينة أكثر دقة وأقل خطورة من الطرق القديمة ديال التعديل الجيني بحال CRISPR كلنت اللي كتقطع DNA  على زوج الشي لي كيزيد من احتمال  تغييرات ماممرغوباش

الأطباء سبق ليهم داواو بنفس التقنية ولد كان يعاني من مرض وراثي خطير، أما على مستوى السلامة، فالنتائج أكدات مكاين حتى خلل فالكروموسومات، وما تحذف حتى جزء كبير من الحمض النووي، وأن الأخطاء الجينية الصغيرة بقات قليلة بزاف، لشي اللي عطا العلماء ثقة أكبر في مستقبل هاد التقنية.