الرئيسية > آش واقع > تقطيع الصحافي خاشقجي بالمنشار. السعودية على اللي تشد ففرانسا: ماشي هو كاين خطأ فتحديد الهوية
08/12/2021 06:00 آش واقع

تقطيع الصحافي خاشقجي بالمنشار. السعودية على اللي تشد ففرانسا: ماشي هو كاين خطأ فتحديد الهوية

تقطيع الصحافي خاشقجي بالمنشار. السعودية على اللي تشد ففرانسا: ماشي هو كاين خطأ فتحديد الهوية

عن الوكالات ///

اول تعليق جا من السعودية على اعتقال احد المتهمين فقتل الصحافي خاشقجي فقنصلية السعودية بتركيا٬ جا عبر وكالة رويترز. فقد قال مسؤول سعودي “كذوب داك الشي وراه كاين خطأ فتحديد الهوية”.

المسؤول قال باللي للي متهمين بقضية خاشقجي كلهم كيدوزو العقوبة ديالهم فالسعودية.

البارح سفارة السعودية فباريس قالت فبيان ليها باللي اللي تشد “ما عندو علاقة بجريمة اغتيال خاشقجي وطالبت السلطات الفرنسية باطلاق سبيلو فورا.

وكانت فرانسا علنات البارح باللي شي حد اسمو خالد العتيبي تشد فمطار شارل دوگول بباريس وباللي كان غادي يسافر للسعودية. واكدات الشرطة الفرنسية ان هاد الشخص من المطلوبين للعدالة وصدرات فحقو مذكرة اعتقال دارتها تركيا ف2019.

موضوعات أخرى