وكالات//

كشف واحد التقرير جديد أن شركة “نيسلي” العالمية كتزيد السكر والعسل على المنتجات ديالها لي كتوزعها في الدول الفقيرة، وهو شي لي كيتعارض مع التوجيهات ديالها باش تحمي الصحة ديال الأطفال من الأمراض المزمنة والسمنة.

على حساب مقال الجورنال ديال “الغارديان” البريطاني، فهادشي جا بعدما سيفطات واحد المنظمة سميتها Public Eye عينة من هاد المنتجات لي كتمشي للدول الفقيرة خاصة في أفريقيا وآسيا وأمريكا اللاتينية لواحد المختبر في بلجيكا.

ولقاو في هاد المختبر أن العينات لي خداو ديال حليب “نيدو” لي كيتعطا للدراري ابتداءا من العام الأول ديالهم و”سيرليكاك” لي كيتعطا للدراري الصغار لقاو فيهم السكر والعسل ومضافات أخرى مكيناش فالمنتجات لي كتمشي للدول الغنية والمتقدمة.