وكالات//

كشفات منظمة الصحة العالمية على واحد المفاجأة بخصوص هادوك المواد لي كنديرو فالقهوة واتاي باش يحليو ولي كيكونو خاليين من السكر.

المفاجأة كتقول أنهم مكينقصوش من الوزن كيف بزاف ديال الناس كيصحاب ليهم، وكثر من داكشي كيتسببو ف أمراض.

هاد النتائج وصلات ليهم منظمة الصحة العالمية وحطاتها ف واحد التقرير مفصل نشراتو على السيت ديالها.

التقرير كيقول أنه بعد دراسات معمقة لقاو أن هاد المواد ماغاديش تخلي الناس بصح تتحكم ف الوزن ديالها ولكن غادي تتسب ليها على المدى الطويل بزاف د الأمراض الخايبة.

من بين الأمراض لي تقدر تصيب الناس لي كيستعملوها، هي مرض السكر من الدرجة الثانية ومرض القلب والسكتة القلبية والدماغية.