عمر المزين – كود///

كشفات المندوبية السامية ديال التخطيط باللي الرقم الاستدلالي للقيم المتوسطة للواردات سجل انخفاضا بـ5,8 فالمية فالفصل الثالث من سنة 2025 مقارنة مع نفس الفصل من عام 2024.

وكيرجع هاد التطور أساسا، حسب المندوبية، إلى الانخفاض ديال القيم المتوسطة فمجموعات الاستعمال لـ”مواد التجهيز الصناعية” وفي “أنصاف المنتجات” بـ8,7 فالمية وفـ”الطاقة وزيوت التشحيم” بـ11,6 فالمية وفـ”مواد الاستهلاك” بـ3,1 فالمية وفـ”المواد الغذائية والمشروبات والتبغ” بـ3,8 فالمية وفـ”المواد الخام من أصل حيواني أو نباتي” بـ2,3 فالمية.

وفيما كيخص الرقم الاستدلالي ديال القيم المتوسطة للصادرات، فقد سجل ارتفاعا بـ0,4 فالمية فالفصل الثالث من العام الفايت 2025 مقارنة مع نفس الفصل للسنة السابقة.

وقد نتج هاد الارتفاع بالخصوص عن ارتفاع القيم المتوسطة فـ”أنصاف المنتجات” لـ10,7% وفي “المواد الخام من أصل معدني” بـ4,1%.

أما الأرقام الاستدلالية ديال القيم المتوسطة لـ”مواد التجهيز الصناعية” و”مواد الاستهلاك” و”المواد الغذائية والمشروبات والتبغ” و”الطاقة وزيوت التشحيم” و”المواد الخام من أصل حيواني أو نباتي” فقد سجلت انخفاضا على التوالي بـ4,2%،1,6% ،3,0% ،22,3% و17,3%مساهمة بذلك في التخفيف من حدة ارتفاع الرقم الاستدلالي الإجمالي للصادرات.