عمر المزين – كود///

تقرير حديث خرجاتو شبكة “أفروباروميتر” باللي الثقة ديال المغاربة فالمحاكم والقضاء شهدات تحسن ملحوظ فالسنوات التالية، لكن التكلفة ديال التقاضي وضعف الوعي بخدمات المساعدة القانونية مزال كتشكل تشكل عائق حقيقي أمام الولوج العادل إلى العدالة.

التقرير اللي توصلات بيه “كود” والمبني على استطلاع وطني تدار فشهر يناير من عام 2024 شمل 2400 مغربي كشف باللي 73% من المغاربة كيصحروا باللي أنهم كيثيقو بزاف فقدرة المواطنين العاديين باش يكون الإنصاف ديالهم أمام المحاكم، لكن 34 فالمية فقط فعام 2013، وهادشي كيعكس تضاعف مستوى الثقة فظرف عقد من الزمن .

هاد الاستطلاع كشف باللي 73% من المستجوبين كبعوا على ثقة جزئية أو كبيرة فالمحاكم المغربية، لكن لم تتجاوز نسبة من لا يثقون فيها إطلاقا 7%، لكن مزال 57 فالمية من المواطنين كيشوفو بوجود شكل من أشكال الفساد داخل الجهاز القضائي، وخا هاد النسبة تراجعات مقارنة بالسنوات الفايتة، حيث انخفضت نسبة من يرون أن “معظم” أو “كل” القضاة فاسدون من 35% سنة 2013 إلى 15% سنة 2024 .

وبخصوص الولوج للعدالة، فإن 72 فالمية من المغاربة كيشوفو أن الحصول على حكم منصف أمر محتمل، و58 فالمية كيشوفو أن القضايا يمكن أن تحسم داخل آجال معقولة، غير أن أقل من النصف فقط (45%) صرّحوا بباللي قدرتهم على تحمل تكاليف رفع دعوى قضائية.

هاد التقرير فالتخليص ديلو أكد باللي الإصلاحات القضائية التي باشرها المغرب ساهمت في تعزيز الثقة العامة وتقليص الإحساس بالفساد، إلا أن تحقيق عدالة منصفة ومتاحة للجميع يظل رهينًا بتقليص كلفة التقاضي، وتوسيع نطاق المساعدة القانونية، وتحسين الولوج إلى المعلومة القانونية، خصوصا لفائدة الفئات الهشة.