كود – وكالات//

كشف موقع ” برنامج الامم المتحدة الانمائي” ان ثلث بلدان العالم مبقاتش كتجرم المثلية حسب تقرير مختبر سياسات فيروس نقص المناعة البشرية.

واضاف ان التقرير كيأكد انه كاين تقدم ملحوظ فإلغاء تجريم المثلية الجنسية على مستوى العالم وكاين اصلاح قانوني بحيث بزاف ديال الدول بما فيها بربادوس وبوتسوانا والهند لغاو القوانين التجريمية للمثلية الجنسية.

واشار ان 129 دولة من أصل 194 دولة تم تتبعها من قبل مختبر سياسات فيروس نقص المناعة البشرية مكتجرمش المثلية الجنسية.

وجاء فالتقرير انه مزال كاينين اضطهادات وقوانين صارمة وملاحقات قضائية قاسية فبعض البلدان الشئ اللي كيأخر الاستجابة الفعالة للسيدا مضيفا انه ما يقدر بنحو 34% من سكان العالم و37% من جميع المصابين بفيروس نقص المناعة البشرية كاينين فدول كتجرم المثلية الجنسية لانه كيكون انخفاض فالإقبال على خدمات الرعاية والعلاج الخاص بفيروس نقص المناعة البشرية.