الرئيسية > آش واقع > تقرير بريطاني صدر ف ابريل الفايت: ظروف اعتقال مرسي غادي تؤدي لوفاته وهي عبارة عن تعذيب ممنهج
17/06/2019 21:30 آش واقع

تقرير بريطاني صدر ف ابريل الفايت: ظروف اعتقال مرسي غادي تؤدي لوفاته وهي عبارة عن تعذيب ممنهج

تقرير بريطاني صدر ف ابريل الفايت: ظروف اعتقال مرسي غادي تؤدي لوفاته وهي عبارة عن تعذيب ممنهج

هناء ابو علي-كود//

تم نشر تقرير ف 4 ابريل الماضي على وضع الرئيس السابق لمصر محمد مرسي..هاد التقرير اللي دارتو لجنة برلمانية بريطانية قالت ان رفض السلطات المصرية تدوز ليه على صحتو و رفضها تديه للمستشفيات كما كان كايقول ليهم كل ساعة غادي يؤدي لوفاته ..

التقرير قال ان مرسي كان معزول ل23 ساعة ف النهار ومكيشوف غير الحراس ديالو و ووصفها بظروف غير انسانية و انها ترقى لوصفها بكونها تعذيب.

مرسي اللي هو اول رئيس مدني منتخب لمصر اللي عرفات غير العسكر من نهار دارو الانقلاب على الملكية،كان ديما كايشكي  للقضاة اثناء محاكماته من داء السكري وانه ماعندوش الادوية ولا الرعاية الطبية و انه مصاب ايضا بفشل كلوي  وانه تصاب بعمى ف عينه .

الرئيس السابق توفي هاد المساء بعد شهر من صدور هد التقرير اللي تنبأ بوفاته المفاجئة  و السلطات المصرية ااعلنات على حالة طواريء وسط صدمة العديد من الحقوقيين و الديمقراطيين ف العالم ..الحدث اللي غادي يبقا وصمة عار ف تاريخ الانقلابيين ف مصر و انصارهم ف العالم.

موضوعات أخرى