الرئيسية > آش واقع > تقرير : المغرب غادي يسالي مع اقتصاد سبتة ومليلية بمشاريع واستثمارات كبيرة العام الجاي
04/12/2021 11:30 آش واقع

تقرير : المغرب غادي يسالي مع اقتصاد سبتة ومليلية بمشاريع واستثمارات كبيرة العام الجاي

تقرير : المغرب غادي يسالي مع اقتصاد سبتة ومليلية بمشاريع واستثمارات كبيرة العام الجاي

كريم الصوفي – كود//
[email protected]

قالت جريدة “إل اسبانيول”، أن المغرب كيخطط باش يفتح المعابر الحدودية مع سبتة ومليلية اعتبارا من مارس 2020، وهاذ التاريخ حسب الجريدة الاسبانية ماشي بالصدفة، بل مع وضع اللمسات الأخيرة على خطة تنمية صناعية وسياحية لاقتصاد المنطقة الشمالية من خلال المناطق التجارية الحرة وتقوية العرض السياحي والمشاريع الكبرى بحال ميناء الناظور ويست ميد. هاذ المشاريع الكبيرة حسب “إل اسبانيول” غادي تسالي مع اقتصاد سبتة ومليلية، زيادة على الاستثمارات الدولية المنتظرة من رجال أعمال كوريين جنوبيين وصينيين وخليجيين.

وذكرات “إل اسبانيول” أمثلة إضافية على هاذ المشاريع، بحال مجمع طنجة اللي تم تشييده على مساحة 70 هكتارًا وسيشمل أنشطة تجارية لشركات عالمية بحال Ikea وVirgin Megastore ومطاعم ومناطق ترفيهية وملاعب ومن المقرر افتتاحه العام الجاي وغادي يكون فرصة لتشغيل الناس اللي تأثرو بإغلاق المعبر الحدودي التجاري من ممتهني التهريب المعيشي، كما أشارت الجريدة الاسبانية إلى تشجيع المغرب لرجال الأعمال ديال سبتة عبر عروض مغرية لاقتناء أراض ومستودعات في المنطقة الحرة اللي كتبنا ف الفنيدق واللي غادي تحل مشكل “الكونطراباندو” نهائيا.

تطوير البنية التحتية لميناء طنجة المتوسط من خلال رقمنة خدمات الاستيراد والتصدير وتنشيط العرض السياحي، كلها أوراش محط اهتمام المغرب، حسب “ال اسبانيول”، خاصة في ظل توسعة مطار تطوان من خلال تشييد مدرج بمعايير دولية وإطلاق خطوط جوية مباشرة بين إسرائيل والمغرب لجذب السياح الإسرائيليين، وهاذ الشي غادي يأثر على الاقتصاد السياحي ديال سبتة اللي معندهاش مطار، واللي عرفات ف الاشهر الاخيرة، تأزم الأوضاع الاقتصادية فيها، بحال اغلاق متاجر شركة كبيرة في ملابس أطفال وخلات بزاف عاطلين وايضا مدينة مليلية اللي علنات شركة الشحن FRS توقيف الخط البحري الرابط بينها وبين موتريل.

https://www.elespanol.com/espana/20211203/marruecos-arrincona-ceuta-gran-comercial-frontera-melilla/631688121_0.html

موضوعات أخرى

19/01/2022 22:00

المغربي اللي ربح جائزة “نازا” لتطبيقات الفضاء: استافدنا من المبادرات اللي تدارت لمحاربة النفايات البلاستيكية ودبا خدامين على تطوير مشروعنا فهاد الضومين