الرئيسية > آش واقع > تقرير: الخوف من العزلة فقضية الصحرا دفع سانشيث باش يتحرك لإنهاء الأزمة مع المغرب
23/01/2022 10:30 آش واقع

تقرير: الخوف من العزلة فقضية الصحرا دفع سانشيث باش يتحرك لإنهاء الأزمة مع المغرب

تقرير: الخوف من العزلة فقضية الصحرا دفع سانشيث باش يتحرك لإنهاء الأزمة مع المغرب

كريم الصوفي – كود//
[email protected]

الطريقة اللي اختارها رئيس الحكومة الاسباني ف تدبير ملف الأزمة مع المغرب خلاتو ف الاخير، خايف من العزلة ف قضية الصحراء، بعد “خيانة” ألمانيا وأطروحة الولايات المتحدة ودعم فرنسا لمبادرة الحكم الذاتي. هاذ الشي كامل حسب موقع “vozpopuli” خلى إسبانيا خايفة من خطر استبعادها من اللعبة عند انتهاء الصراع.

وحسب الموقع الاسباني، ف رئيس الحكومة سانشيث باغي الملك فيليبي السادس يتدخل باش يلقى حل سريع للأزمة مع الملك محمد السادس، وخاصة وأن ألمانيا حلات المشكل اللي عندها مع المغرب وقدرات تجاوز الازمة وتنقذ استثماراتها وشركاتها.

ووفقا لمصادر مختلفة تم التشاور معها من طرف “vozpopuli”، فـ “المحادثات الهاتفية السرية” اللي تمات ف الأشهر الماضية، بين وزير الخارجية المغربي ونظيره الإسباني، كشفات ان الملك محمد السادس والمغرب عرفو كيفاش يستغلو أزمة الحدود ويحركو قطعة على لوح الشطرنج وأن مناورة سانشيث باش يخلى المغرب ف مواجهة مع الاتحاد الأوروبي والرهان على عدم تدخل الملك فيليبي السادس فشلات واليوم المغرب يحظى بالفعل بدعم ألمانيا.

وأضاف تقرير الموقع الاسباني، أن هاذ الاستراتيجية الجديدة ديال سانشيث بانت خلال حفل الاستقبال الملكي التقليدي للسلك الدبلوماسي، اللي تكلم فيه ملك اسبانيا على ضرورة “فتح علاقة جديدة” بين البلدين وان حتى الزيارة اللي قام بها خوسي مانويل ألباريس كان الهدف منها تأكد اسبانيا من الموقف النهائي للولايات المتحدة من قضية الصحراء واعتراف ادارة ترامب.

https://www.vozpopuli.com/espana/marruecos-sanchez-sahara.html

موضوعات أخرى

18/05/2022 11:20

نقابة ال”ODT” للحكومة: كنطالبو بإلغاء الضريبة على الدخل بالنسبة لمعاشات التقاعد وخاص يستافدو حتى المتقاعدين من أي زيادة تقررات فالصالير

18/05/2022 09:30

تفاصيل الحكم على المدير العام للوكالة المستقلة لتوزيع الما والضو ففاس.. غرفة الجنايات حكمات عليه غير بتهمة الارتشاء وحيدات ليه التهم الأخرى