كريم الصوفي – كود//

[email protected]

قالت صحيفة “ثيوتا أهورا” الإسبانية، إن ما يقرب من ألف قاصر مغربي قدرو يدخلو لمدينة سبتة ف العام الفايت 2024، وهو ما أثر على الطاقة الاستيعابية ديال مركز رعاية القاصرين الأجانب.

وحسب الجريدة ذاتها، شكل العدد المعلن ديال هاذ المهاجرين القاصرين غير المرفوقين بذويهم رقما قياسيا ف إسبانيا طوال العام الفايت 2024. تقريبا نفس الوضع تم تسجيلو ف جزر الكناري وأرخبيل البليار.

ووفقا للمعطيات المنشورة، فقد تم وضع جميع هاذ المهاجرين القاصرين تحت وصاية الحكومة المحلية حسب قوانين حمائية كتراعي مصالحهم. وهو ما تسبب ف عبء اقتصادي كبير على موارد الحكومة المحلية، اللي غادي تلقى دعم حكومي إضافي عبارة عن 4,5 مليون يورو.