الرئيسية > آش واقع > تقربلات فالبرلمان.. بحضور بنموسى رئيس لجنة التعليم باغي يجيب البوليس باش يجري على برلماني من البي جي دي حيح
01/12/2021 17:30 آش واقع

تقربلات فالبرلمان.. بحضور بنموسى رئيس لجنة التعليم باغي يجيب البوليس باش يجري على برلماني من البي جي دي حيح

تقربلات فالبرلمان.. بحضور بنموسى رئيس لجنة التعليم باغي يجيب البوليس باش يجري على برلماني من البي جي دي حيح

كود الرباط //

تقربلات قبيلات ف لجنة التعليم والثقافة بمجلس النواب قبل قليل، بحضور وزير التربية الوطنية والتعليم الأولي والرياضة شكيب بنموسى.

القصة ومافيها برلماني البي جي دي عبد الصمد حيكر باغي ياخد كلمة حيث عندو انتداب أدلى به، واخا هو ماشي عضو ف اللجنة، ورفض رئيس اللجنة يعطيه الكلمة وقاليه ماشي من حقك.

حيكر انتفض وبدا يحتج هادشي خلا نواب آخرين يتدخلو وهي تنوض كيف ديما، فحال الصباح كيغوتو البرلمانيين على لايف لي دار فشي صفحة ديال برلماني وحضور الصحافة واخا كاين قرار مكتب اللجنة الصحافة تحضر.

رئيس اللجنة فاش شاف حيكر كيغوت هددو بإخراجه من الجلسة عبر استدعاء البوليس. حيكر رد عليه “واش غاتخلعني بالبوليس”.
رئيس اللجنة غلط فهادي وقال بأنه لم يتوصل بمراسلة انتداب حيكر باش ياخد كلمة ديالو، ورغم أن المراسلة كاينا عند حيكر.

موضوعات أخرى

19/01/2022 22:00

المغربي اللي ربح جائزة “نازا” لتطبيقات الفضاء: استافدنا من المبادرات اللي تدارت لمحاربة النفايات البلاستيكية ودبا خدامين على تطوير مشروعنا فهاد الضومين