كود سبور//

باغي الاتحاد الدولي لكرة القدم “الفيفا” برئاسة السويسري جياني إنفانتينو، ينقصو من عدد التيرانات اللي غايتلعب فيها مونديال 2030 واللي التنظيم ديالو مشترك بين المغرب وإسبانيا والبرتغالي، حيث الفيفا كايشوفو ان الـ21 ملعب اللي مرشحين ضمن التنظيم الثلاثي، العدد ديالها كثر من القياس.

وكشفت جريدة Infobae الإسبانية، أن الاتحاد الدولي لكرة القدم، يعتبر ترشيح 21 تيران لاستضافة مونديال 2030، عدد كبير وزايد على القياس، ومن المنتظر تشوف مع الأطراف المنظمة للبطولة إمكانية ينقصو 3 التيرانات من لائحة الملاعب المستضيفة للمونديال، وبشكل أوضح ينقصو تيران من المغرب وتيران من إسبانيا، مع العلم أن ملف التنظيم الثلاثي لمونديال 2030 فيه 6 ملاعب مغربية و11 ملعب من إسبانيا مع إمكانية إضافة ملعب آخر، و3 ملاعب برتغالية.

ووضح نفس المصدر، أن التيران المغربي اللي يقدر يخرج من لائحة الملاعب المستضيفة لكأس العالم 2030، هو الملعب الكبير لمدينة فاس، أما جوج تيرانات ديال الصبليون اللي يقدرو يخرجو من لاليست هما تيران لاكورونيا وتيران سان سيباستيان.