الرئيسية > آش واقع > تقاس بالفيروس من مراتو الفرملية.. إصابة أول مغربي ب”كورونا” فبريطانيا
01/04/2020 16:50 آش واقع

تقاس بالفيروس من مراتو الفرملية.. إصابة أول مغربي ب”كورونا” فبريطانيا

تقاس بالفيروس من مراتو الفرملية.. إصابة أول مغربي ب”كورونا” فبريطانيا

عفراء علوي محمدي- كود//

تقاس أول مغربي مقيم فبريطانيا، وتحديدا فالعاصمة لندن، بفيروس “كورونا” المستجد.

المغربي، اللي عندو 27 عام وكيشتغل كمهندس فالمعلوميات، تقاس بالفيروس عن طريق مراتو الألمانية، اللي كتقابل مرضى “كورونا” فصبيطار كبير فالعاصمة البريطانية، والحالة ديال الشاب المغربي هو ومرتو مستقرة.

وظهرات أعراض الإصابة على الشاب المغربي قبل مراتو، وراوداتهم الشكوك لا يكونو تقاسو بالمرض، وهذشي اللي خلاهم يديرو التحاليل، واليوم خرجات النتائج ديالهم إيجابية.

وكيدير الشاب المغربي ومراتو الحجر الصحي فالمستشفى نفسو اللي خدامة فيه هذ الأخيرة، وتماك فين كيتلقاو العناية والعلاج، على اعتبار أن وضعهم مايسمحش ليهم يديرو الحجر من الدار.

ولحد الساعة، وحسب آخر أرقام رسمية صادرة عن وزارة الصحة البريطانية، بلغ عدد المصابين بالفيروس فالمملكة المتحدة 29 ألف و474، منهم ألفين و354 ماتو، و179 فقط اللي تشافاو.

موضوعات أخرى

29/05/2020 18:00

كورونا دوزات جنازة عبد الرحمان اليوسفي مزروبة.. وهكذا ودعوه الاتحاديين عن بعد لالتزامهم بالاحترام التام لتدابير الطوارئ الصحية

29/05/2020 17:30

صحاب القهاوي والمطاعم داخو مع انطلاق موعد استئناف نشاطهم التجاري. كلشي سحاب ليه غادي يحل اليوم.. وعبد الفضل لـ”كود”: القرار جا مقرون بالتنسيق مع السلطات المحلية