وكالات //

طارت طيارة ديال الركاب تابعة لشركة “إيبيريا” واضطرت تهبط فمدريد من بعد ما تعرض الطيار لقرصة ديال عنكبوت وهو فطريقو من دوسلدورف فألمانيا لمدريد.

حسب التقارير، الطيار كان عندو حساسية من العنكبوت، وهادشي خلاهم يعطيوه دواء مضاد للالتهابات ديك الساعة، وعطاوه دوا “أورباسون” (الميثيل بريدنيزولون)، لي هو علاج معروف للحساسية وردود الفعل ديال الجسم.

وكتقول نفس التقارير أن التوقعات كتقول بللي العنكبوت دخل للطيارة من بعدما توقفات فالمغرب قبل ما تكمل الرحلة ديالها لمدريد.

ومن بعد ما هبطات الطيارة، دارت ليها عملية تعقيم شاملة، الشي للي خلا الرحلة ديالها الجاية لمدينة فيجو تأخرات 3 ساعات، وكانو الركاب مخلوعين من أن يكونو كاينين عنكبوت خرين ف الطيارة.

مازال مابانش واش الطيار كان خاصو عناية طبية أخرى من بعد ما وصل لمدريد، ولكن شركة “إيبيريا” أكدت أنه ما كانش عندو تأثيرات صحية دائمة.