الرئيسية > تبركيك > تفاصيل على گنازة ” الملكة إليزابيث الثانية”.. اكثر من 500 من قادة ومسؤولي العالم وصلوا للندن.. وهي أكبر عملية أمنية عرفاتها العاصمة فالتاريخ ديالها
19/09/2022 10:00 تبركيك

تفاصيل على گنازة ” الملكة إليزابيث الثانية”.. اكثر من 500 من قادة ومسؤولي العالم وصلوا للندن.. وهي أكبر عملية أمنية عرفاتها العاصمة فالتاريخ ديالها

تفاصيل على گنازة ” الملكة إليزابيث الثانية”.. اكثر من 500 من قادة ومسؤولي العالم وصلوا للندن.. وهي أكبر عملية أمنية عرفاتها العاصمة فالتاريخ ديالها

عمـر المزيـن – كود///

اليوم الإثنين بدات العاصمة البريطانية لندن كتشهد تشييع الملكة “إليزابيث الثانية” إلى قبرها. التشييع غادي يحضرو ليه اكثر من 500 من قادة ومسؤولي العالم، في حين هضرات وسائل إعلام بريطانية عن احتمال مشاركة أكثر من 10 من الزعماء ورؤساء الحكومات العرب.


“إليزابيث الثانية” ماتت نهار 8 شتنبر وهي فعمرها 96 عام، ودوزات 70 عام كملكة. وغادي تكون الكنازة الرسمية للملكة الراحلة فكنيسة “وستمنستر” اللي كاينة فوسط لندن، في ختام مراسم رسمية وحداد غادي يستامر 10 أيام.


وغادي تشهد مراسم تشييع ملكة بريطانيا، حسب تقارير إعلامية، مشاركة أمير قطر تميم بن حمد آل ثاني وملك الأردن عبد الله الثاني وملك البحرين حمد بن عيسى آل خليفة، والأمير مولاي رشيد.

وغادي يكون حاضر حتى رئيس المجلس السيادي في السودان عبد الفتاح البرهان، وولي عهد الكويت الشيخ مشعل الأحمد الجابر الصباح، وغادي يشاركو حتى رؤساء الوزراء المصري مصطفى مدبولي والجزائري أيمن بن عبد الرحمن والفلسطيني محمد اشتية واللبناني نجيب ميقاتي، إضافة إلى موسى الكوني نائب رئيس المجلس الرئاسي في ليبيا.

وهضرات وسائل إعلام بريطانية على أن مراسم تشييع الملكة كتتضمن أكبر عملية كتعرفها العاصمة لندن على الإطلاق.

وقالت نفس المصادر انه غادي يشارك فهاد الگنازة أكثر من عشرة آلاف ضابط شرطة مع استكمال ضباط لندن بتعزيزات من جميع قوات الشرطة البريطانية، واللي واصل العدد ديالهوم 43 ألف، فالوقت اللي غادي يعمل مئات المتطوعين وأفراد القوات المسلحة كحراس على طول طريق الموكب.

البوليس انتشر فالشوارع وفي محيط “وستمنستر” من البارح ديال الأحد. يعني هاد الإجراءات والتدابير الأمنية بدات قبل يوم من الكنازة اللي حاضرين فيها زعماء دول عربية وقادة دول عظمى.

نائب مساعد مفوض شرطة العاصمة ستيوارت كوندي قال فتصريحات صحفية باللي عملية حفظ الأمن “المعقدة للغاية” هي الأكبر في تاريخ لندن، متجاوزة أولمبياد لندن العام 2012.

موضوعات أخرى