وكالات//

مزال القضية ديال الموت ديال الموسيقي البريطاني المشهور ليام باين منوضة روينة في الصحافة البريطانية، في الوقت لي لونكيط مزال محلول في الأرجنتين.

آخر التطورات جابها الجورنال “تايمز” البريطاني ولي قال إن ليام باين يمكن كان باغي يهرب من البالكون ديال لوطيل لي كان فيه.

وبانو شي لقطات من لوطيل كاساسور باليرمو في بوينس إيريس الأرجنتينية، لجوج ديال الرجال وهوما هازين ليام باين.

ولقاو البوليس صاك كحل وواحد الشابو مع قرعة ديال الشراب في البالكون وكيقولو إنها ربما ديال الناس لي كانو معاه، ومزال ماعرفوش شنو العلاقة ديالهم بالموت ديالو.