كريم الصوفي – كود//
[email protected]

تفاصيل جديدة ف قضية المغربي اللي تقتل بالقرطاس فتكساس. مواقع إخبارية قالت ان المتهم  تيري تيرنر اللي عندو 65 عام وقتل الضحية بدم بارد ف أكتوبر 2021، غادي يواجه المحاكمة بتهمة القتل من الدرجة الأولى، بعد قرار هيئة المحلفين مؤخرا توجيه لائحة اتهام رسمي ضدو..

الضحية المغربي سميتو عادل الدغوغي مقيم ف مريكان من 2013 خدام موزع مع شركة ونهار الحادثة وقف بالطوموبيل ديالو حدا دار المتهم اللي جا عندو وشبع فيه سبان وتيرا فيه بعد الشكوك ديالو في كونه مسلحا. وأكد خو الضحية اللي خريج جامعة جونسون آند ويلز في رود آيلاند ف نيويورك، أن عادل انسان داخل سوق راسو ولم يؤذي أحداً وكان سايگ طوموبيلتو راجع للدار ديالو في أوستن قبل ما يتقلى قرطاسة قاتلة.

وحسب وثائق المحكمة، اتصل القاتل تورنر بخط طوارئ البوليس 911 وقال ليهم بالحرف : “قتلت شخص دابا”، وأضاف ان الضحية “صوب مسدسا نحوي وأطلقت النار”. إلا أن المحققين لم يعثروا على سلاح سواء بحوزة الضحية الدغوغي او داخل الطوموبيلة ديالو. ووفقا لصحيفة ديلي بيست، علقت الشرطة بأن الجاني تيرنر كان متعاونًا ولم يتم اعتقاله على الفور، وتم تصنيفه كمشتبه به في جريمة قتل، وما تشد غير بعد مرور 11 يوم.

للإشارة القضية كانت غادي تمشي ف اتجاه الدفاع الشرعي حسب قانون “الدفاع عن أملاكك” واللي كيسمح لسكان تكساس باستعمال أسلحة مرخصة فحالات الدفاع الشرعي عند مواجهة أشخاص تعداو على الملكيات ديالهم.

https://www.univision.com/local/austin-kakw/acusan-asesinato-terry-turner-adil-dghoughi-estacionarse-casa-martindale-texas