كود تطوان//
تفاصيل جديدة في قضية الحقير اللي تكرفص جنسيا على بناتو القاصرات بمنطقة بنقريش بضواحي تطوان. المتهم اللي تصنتو ليه الجدارمية بناءا على تعليمات النيابة العامة، لصقها في “الشيطان”. وصرح ان شقيق الضحايا الثلاثة حتا هو متورط في الفضيحة.
الجدارمية شدو المتهم بارتكاب جرائم اغتصاب على مدى سنوات في حق 3 من بناتو القاصرات اللي كانو عايشين في كابوس جنسي بالمعنى الحقيقي للكلمة.
هاذ المتهم تفرش بعد ما لاحظات بنتو الكبيرة اللي في الثلاثينات من العمر، تغير سلوكيات ختها الصغيرة اللي اعترفات ليها بكلشي. مشات البنت الكبيرة وبلغات الجدارمية. البنت المبلغة سبق ليها تعرضات في صغرها للاغتصاب من طرف المتهم وفضلات تزوج غير باش تهرب من هاذ الواقع البشع.
