الرئيسية > آش واقع > تفاصيل جديدة على صفقة ناس بن سلمان فالدراما: 15 مسلسل وتخوفات من تصوير غير لحوايج الخايبة على المغرب مقابل تمجيد ولي العهد
23/03/2019 14:00 آش واقع

تفاصيل جديدة على صفقة ناس بن سلمان فالدراما: 15 مسلسل وتخوفات من تصوير غير لحوايج الخايبة على المغرب مقابل تمجيد ولي العهد

تفاصيل جديدة على صفقة ناس بن سلمان فالدراما: 15 مسلسل وتخوفات من تصوير غير لحوايج الخايبة على المغرب مقابل تمجيد ولي العهد

كود اسماء غربي ///

علمت “كود” بتفاصيل جديدة على مشاريع درامية ستنتجها شركات انتاج مغربية للسواعدة وبالضبط هيئة الترفيه اللي كيرأسها تركي الشيخ احد رجالات محمد بن سلمان ولي العهد والرجل القوي فالمملكة.

وفق مصدر “كود” فانه ما كايناش غير هيئة الترفيه اللي دخلات فالموضوع “كان اتصال بي من قبل شركة مصرية وقالت لي بغينا مسلسل من مائة حلقة باش تبثو “ام بي سي” يشرح احد المنتجين المغاربة ل”كود”. المصدر قال ل”كود” باللي سد معاهم فاليوم الاول “جاو بصاح حاگرينا. بغاو يعطيونا ثمن اقل بكثير اللي كناخدوه مع دوزيم وحتى “الاولى” وقلت ليهم عطيوني التيساع”.

وفق مصدر “كود” فانه كاين “گروب الصباح” اللبناني اللي وقع مع هيئة الترفيه وكاينين شركات اخرى دخلات او خدامة تدخل للسوق المغربي.

مصدر “كود” قال باللي كيقلبو على انتاج 15 مسلسل. وبزاف هاد الشي. ما عندناش فالمغرب الامكانيات لانتاجو ففترة محددة.

لكن اللي خايفين منو اكثر ماشي العدد ولكن المضمون. هاد الشي علاش فنان معروف بحال محمد الشوبي صرح ل”كود” البارح باللي ضد العمل مع ال سعود بسباب موقفهم من حقوق الانسان. كاين امر اخر. كتابة السيناريو والحوار ممكن تعطي غير لحوايج لمقودين على لبلاد وفنفس الوقت يدوزو رسالاتهم باش يمجدو امير مورط فقتل وتقطيع الصحافي جمال خاشقجي. اي الامير محمد بن سلمان

موضوعات أخرى