أنس العمري – كود///

مشابكة عند جوناثان هاروش. صاحب سلسلة النوادي الرياضية الشهيرة “سيتي كلوب”، وبعد ساعات من إيقافه البارح السبت بعدما كان مبحوث عليه بسبب شيك بدون رصيد، تحال على الفرقة الوطنية للشرطة القضائية في قضية أخرى، حسب معطيات “كود”.

تشد جوناثان من قبل بوليس أنفا فشامبر اوطيل “بلاص أنفا” فكازا. كان مع جوج بنات ماشي وحدة٬ تضيف مصادر “كود”.

لحدود الساعة ما زال المعطيات متضاربة حول فيلم الشيك بدون رصيد، وواش عندو علاقة بالمكتب الوطني للسكك الحديدية، لي كاري لجوناثان هاروش فضاءات في محطات قطار، ولي دار فيها صالات رياضية ضمن سلسلة “سيتي كلوب” و”UNIQUE FITNES CLUB.

هاد الملايري وراه اتهامات كثيرة نشروها اللي كانو خدامات معاه بعد ما مشاو من المغرب. كاينات شي مدعيات كانو يقصرو معاه كيدافعو عليه مؤخرا. فيلم الجنس بالكلاب وبعد التخدير مازال غير اتهامات مادام ما كايناتش شكايات فالموضوع عند البوليس. يمكن بعد ما تشد تتحرر لعيالات ويحطو شكايات..