الرئيسية > آش واقع > تفاصيل إيقاف قاضي فالعيون بشبهة الرشوة.. سراح مؤقت والمراقبة القضائية والقضية فيها محكمة جرائم الأموال فمراكش
01/03/2024 11:00 آش واقع

تفاصيل إيقاف قاضي فالعيون بشبهة الرشوة.. سراح مؤقت والمراقبة القضائية والقضية فيها محكمة جرائم الأموال فمراكش

تفاصيل إيقاف قاضي فالعيون بشبهة الرشوة.. سراح مؤقت والمراقبة القضائية والقضية فيها محكمة جرائم الأموال فمراكش

گود العيون ////

كشفت مصادر مطلعة لـ”گود” بعض تفاصيل إيقاف قاضي بالمحكمة الابتدائية للعيون يشتبه في تورطه بقضية كتعلق بالرشوة والتحصل على مبلغ مالي من شي وسيطة.

مصادر “گود”، قالت إن المشتبه فيه تقدم أمام الوكيل العام لمحكمة الإستئناف قبل ما يتم إطلاق سراحو ووضعو تحت المراقبة القضائية مع تحويل القضية لمحكمة جرائم الأموال فمراكش باش تبث فالضوسي ديالو وهي اللي غادي تحدد لينا واش مذنب أو بريئ من التهم الموجهة ليه.

وزادت مصادر  “كود” أن المشتبه فيه تسلم مبلغ 18 مليون سنتيم من شي وسيطة كيعرفها ديجا وكانت بعض المرات تتردد على منزله، مشيرة أنها طلبات منو التوسط فشي قضية رائجة أمام المحكمة مقابل مبلغ مالي.

المصادر نفسها وضحات أن القاضي تسلم فقط 13 مليون سنتيم وخمس ملايين سنتيم ردها، مضيفة أن الوسيطة ربما تكون كعات على ود حصتها الشي اللي خلاها تفرش القضية.

نفس المصادر أضافت أن المصالح الأمنية دخلات دار المشتبه فيه بشكل قانوني ولقات المبلغ المالي 13 مليون سنتيم مخبي بعناية حدا شي خزان مائي بسطح المنزل، ليتم إيقاف المعني بالأمر وإحالتو على الوكيل العام لمحكمة الإستئناف.

موضوعات أخرى

22/04/2024 07:00

قاضي التحقيق بابتدائية سطات هبط موظف سجن عين علي مومن الحبس وها التهم للي توجهات ليه