كود الرباط//

قال رشيد حموني، رئيس فريق التقدم والاشتراكية بمجلس النواب، بأنه “مانجيوش نمسحو كولشي ف وزير الصحة. الكل يقر أغلبية ومعارضة بأن وزارة الصحة فيها تراكمات واختلالات سنوات هادي”.

وفجر حموني، فضيحة من العيار الثقيل خلال اجتماع لجنة القطاعات الاجتماعية مساء أمس الأربعاء 1 أكتوبر 2025، بحضور وزير الصحة والحماية الاجتماعية، فاش تكلم على لوبي المصحات الخاصة لي راكمو ثروات بالملايير في مدة قصيرة.

وقال حموني: “المصحات الخصوصية المدرجة ف البورصة عرفات نمو تاريخي ف مداخيلها لي ناهز كثر من 70 في المائة ومتفوق على صناعة السيارات وحتى على البنوك”.

وأضاف حموني: “مصحة بدون ذكر اسمها دارت 2 مليار درهم ف 6 أشهر وكثر من 40 مصحة كتوجد وكتبنا وكيكونو أطباء فيها بحال chu . هاد الموديل نديروه نيت فالمستشفيات العمومية”.

وشدد المسؤول الحزبي بالقول: “كاين مشكل كبير اليوم، كيفاش مستشفى عمومي معطل وسبيطارات خصوصية دغيا كتبنا”.

حموني هضر على فضيحة اخرى هي: “كيفاش الحكومة كتعطي دعم للمصحات باش تبنى ف كازا والرباط، علاش ميتعطاش ليها دعم مقابل تبني فالمناطق المهمشة”.

وأوضح حموني: “كثر من 90 في المائة من المرجوعات كتمشي للمصحات الخاصة، هنا خاص الحكومة دير قرار شجاع وسياسي وتسد المستشفى العمومي وتخلي البريفي”، مشددا: “وهنا منين جانا المرض. عارف موقفكم إجابي من تغول المصحات الخاصة”.

وبخصوص الاحتجاجات ديال جيل زيد، قال حموني: “هادي مسؤولية سياسية لنا جميعا، وكلنا نتحمل المسؤولية. لا يمكن القبول بالانزلاقات الخطيرة التي وقعت الثلاثاء. فيها تخريب واعتداءات على رجال الأمن والممتلكات حنا مع الاحتجاج السلمي. لذلك حتى يلا كانت احتجاجات خصها تكون سلمية ومايكونش رد السلطات بشكل عنيف”.