وكالات//

فواحد التطور جديد فالمحاكمة ديال مغني الراب والمنتج الأمريكي شون “ديدي” كومبس، كشفت المحكمة الفيدرالية فـ نيويورك على تصاور جداد اللي اعتابروهم “أدلة”، تم العثور عليهم فالجناح الفندقي ديالو، من بعد ما تشد ففندق “بارك حياة نيويورك”.

كومبس توقف بسبب اتهامات خطيرة كتهمو بالاتجار فالبشر لأغراض جنسية، الابتزاز، ونقل ناس للدعارة، وهي تهم هو كينفيها كليا.

وخلال جلسة المحكمة اللي كانت نهار 16 ماي، عرضات وزارة الأمن الداخلي تصاور من داخل الغرفة ديالو، اللي فيها محتويات قالو إنها مرتبطة بالقضية.

العميل الخاص ياسين بيندا قال إن المحققين لقاو بزاف ديال الحوايج، من بينها قراعي ديال زيت الأطفال من ماركة “جونسون” و”أستروجلايد”، وكميات من الكيتامين الوردي، وآيفون، ومعاهم واحد الشنطة من “لويس فيتون” فيها قراعيّة دواء باسم “فرانك بلاك”.

وتزاد على هادشي، لقاو قرص صلب، وجهاز ديال الضوء “مزاجي” فالغرفة، وجوج قراعي ديال زيت التشحيم فوق الكومودينو اللي حد السرير.

وكشفت التحقيقات حتى على وصفة طبية لدواء كلونازيبام، اللي كيتستعمل ضد نوبات الصرع والخوف، وكان فواحد القراعيّة خارجة من صيدلية “والغرينز”.

وزيد على هادشي، لقاو واحد ساك كيربط على الخصر، معلّق على الناتموسية، وفيه مبلغ نقدي ديال 9000 دولار.