اسماء غربي – كود//

تحكم على الممثل والمخرج نيكولا بيدوس يوم الثلاثاء بالحبس لمدة عام، بما في ذلك ستة أشهر مع وقف التنفيذ بتهمة الاعتداء الجنسي على جوج عيالات ف 2023. و تمت تبرئته “لصالح الشك” من قبل المحكمة من تهمة التحرش الجنسي ف 2018.

بيدوس غادي يدوز الحبس فدارو تحت المراقبة الإلكترونية. وخاصو يتعالج من الإدمان، وممنوع عليه الاتصال بالضحيتين، وطلبات المحممة باش يتم إدراجو فملف مرتكبي الجرائم الجنسية أو العنيفة.

وردت محاميته جوليا مينكوفسكي وقابن: “صدمني هادشي اللي سمعت”. وأضافت: “هاد الإدانة وهاد الشدة غير مسبوقة على الإطلاق وغير عادلة وغير مقبولة على الإطلاق”، موضحة أن بيدوس غادي يستأنف.

وفليلة 1 إلى 2 يونيو 2023، فبواط فباريس، اتهمات صاحبة الشكوى المخرج بأنه جا غندها وحط يدو د ليمن على أعضائها التناسلية فوق الجين اللي كانت لابسة.

وشهدو جوج عيالات أخريان أمام المحكمة بشأن سلوك بيدوس ورفعو عليه دعوى مدنية. وقالت وحدة منهم، وهي سرباية في فبار ف باريس، أمام المحكمة ان نيكولا بيدوس شدها من خصرها وباسها فعنقها وهو سكران ليلة 11 إلى 12 مايو 2023.