كود: الداخلة //

علمت “كود” من مصدر موثوق، أن قاضي التحقيق بالمحكمة الابتدائية فالداخلة قرر يتابع واحد الحقوقي، اللي معروف فالمنطقة، ويحول الملف ديالو مباشرة للجلسات.

هاد الحقوقي، اللي معروف بالحروف الأولى من سميتو “ع.ج.أ”، تبت عليه تورطو فجرائم ديال النصب، الاحتيال، وانتحال صفة كيحددها القانون، وزيد عليها التدخل فوظيفة ماشي ديالو، وكلشي وفقاً للفصول 380، 381 و540 من القانون الجنائي المغربي.

القضية ما وقفاتش هنا، وحسب مصادر “كود”، كاين واحد الشخص ثاني، كيقدم راسو كنائب الكاتب العام الوطني، وكرئيس المكتب المحلي فالهيئة بسيدي إسماعيل، وكذا كرئيس لجنة التواصل والإعلام بإقليم الجديدة، سميتو “ع.ز”. هاد الأخير متابع هو الآخر من طرف قاضي التحقيق بالجديدة فجرائم خطيرة، من الابتزاز النصب، الاحتيال ونشر وقائع كاذبة والمساس بالحياة الخاصة، التخابر مع جهات أجنبية معادية للوطن، والتواطؤ وكاينشط مع الأمين العام انتحال صفات من أجل النصب والابتزاز

المصدر شدد أن هاد الشخص اللي كيقول أنه نائب الكاتب العام، ماعندوش الصفة القانونية نهائياً، بحيث تعيينو جا غير فصفحة الفايسبوك د، بلا احترام للمساطر القانونية، لا انتخابات، لا جمع عام، ولا حتى موافقة رسمية.

المصدر زاد قال بلي عدد من الغيورين على العمل الحقوقي فالبلاد متابعين هاذ الملف عن كتب ومراقبين جميع التطورات وماغاديش يمنعوا الرأي العام من تتبع الأحداث والمستجدات لي غايتبعوها بأكثر دقة الساعات الجاية.