گود سبور//

كاين تطور جديد فمسلسل صفقة انتقال الدولي المغربي الشاب ايوب بوعدي من ليل الفرنسي إلى مانشستر سيتي النگليزي، وهي الصفقة اللي كايتسناوها متتبعين الكورة الاوروبية والعالمية تكمل خصوصا بعد انتقال الإسباني رودري من مان سيتي للبارصا، حيث كايلعب فنفس البوسط ديال بوعدي.

وكشف الإعلامي الطالياني فابريزيو رومانو المتخصص فانتقالات اللاعبين والمدربين فأوروبا، ومتبع مزيان ملف ايوب بوعدي، وان مانشستر وليل وصلو للمراحل النهائية من المفاوضات لإتمام انتقال اللاعب المغربي الشاب إلى الفريق النگليزي.

وكمل وقال ان ايوب بوعدي كايتسنى غير الموافقة من ليل باش يسافر للنگليز لإجراء الفحوصات الطبية والانضمام إلى مانشستر سيتي.