كود تطوان//

قام الوالي ديال الأمن بتطوان بتنقيل تأديبي لرئيس دائرة أمنية من بعد ما كثرات عليه الشكاوي.

وحسب ما قالت مصادر مطلعة ل (كود) فإن الأمر كيتعلق بالضابط رئيس الدائرة الثانية بالنيابة بمرتيل، اللي كان تنقل ليها من الدائرة الثانية بتطوان، ليشغل مهمة رئيسها بالنيابة، لكن حسب ما علمت (كود) فإن تدبيرو لهاد الدائرة عرف الكثير من المشاكل، من بعدما كانت مصالح المواطنين كا تعرف تأخير كبير، كما أن شكايات كثيرة وصلات لوالي الأمن على تصرفاتو ومنها شكايات أصحاب محلات تجارية كان هاد الأمني كا يتقضى منها بلا ما يؤدي ثمن السلع اللي كان كاياخذ، وهو ما جعل الوالي يعجل بسحب المسؤولية منه، وإعادته إلى تطوان ليشغل مهمة عنصر فقط بالدائرة الثانية.

وعلمت (كود) أن هذا الضابط كا يحظى بدعم مسؤول أمني بتطوان، وهو اللي اقترحوا للمسؤولية اللي ما طولش فيها بزاف