الرئيسية > featured > تطبيقات النقل فالمغرب نعمة كبيرة للمواطن، أنا شخصيا كانفضل ناخد ايندرايڤ يوصلني فين مابغيت ! غي هي خاصّها تتقنن فحال فالعالم كامل باش يقدر اين درايڤ يهزك من المطار و حدا لوطيل و المحطة د التران بالعلالي ماشي بالتخبية فحالي غاتشري من عندو البيضة! خصوصا مع لاكوب دافريك الجايّة
27/02/2024 19:00 featured

تطبيقات النقل فالمغرب نعمة كبيرة للمواطن، أنا شخصيا كانفضل ناخد ايندرايڤ يوصلني فين مابغيت ! غي هي خاصّها تتقنن فحال فالعالم كامل باش يقدر اين درايڤ يهزك من المطار و حدا لوطيل و المحطة د التران بالعلالي ماشي بالتخبية فحالي غاتشري من عندو البيضة! خصوصا مع لاكوب دافريك الجايّة

تطبيقات النقل فالمغرب نعمة كبيرة للمواطن، أنا شخصيا كانفضل ناخد ايندرايڤ يوصلني فين مابغيت ! غي هي خاصّها تتقنن فحال فالعالم كامل باش يقدر اين درايڤ يهزك من المطار و حدا لوطيل و المحطة د التران بالعلالي ماشي بالتخبية فحالي غاتشري من عندو البيضة! خصوصا مع لاكوب دافريك الجايّة

سهام البارودي – كود//

أحسن حاجة طرات فهاد الخمس سنين الأخيرة هي هاد التطبيقات ديال التنقل و خصوصا ايندرايڤ، واخا المحاولة لي كانت دارت اوبير هادي واحد السبع سنين باءت بالفشل بفعل البلطجية لي ماخلاوهاش تكمل بيخير و حاربوها  ! ايندرايڤ كاتحقق نجاح كبير !

أنا شخصيا و فلونتوراج ديالي كامل الاغلبية الساحقة مابقاوش كايشدو طاكسي ، كلشي كايفضل يكوموندي لاكورس من اين درايڤ و يجي عندك الشيفور حتى لباب الدار خصوصا البنات ! كاتفاداي أنك تهبطي للزنقة و تسايني فالبرد و لا الشمش و لا الشتا ! و شوف واش يجي شي طاكسي و شوف واش يبغي يوصلك فين نتي غادية و لا يفرض عليك فين هوا غادي ! و شوف واش عندو الصرف و لا ماعندوش ! واش كايكمي فالطوموبيل ! واش يبغي يدخلك للزنقة و لا غايفرض عليك يحطك فالشارع ، واش غايخدم الكونتور و لا غايبغي يغمق عليك !

گاع المساوئ لي معروفين فالطاكسيات كايتفاداهم الإنسان فهاد التطبيقات بالإضافة لأنه الأغلبية د الدراري شباب و كاينين حتى موظفين و موظفات كايخدمو على راسهم فهاد لابليكاسيون !

الخطوة الوحيدة لي بقات خاصة هي التقنين ديال هاد القطاع باش يولّي الشيفور يخدم بوجهو أحمر فحال فأوروبا و مصر و مجموعة من الدول لي فيها هاد التطبيقات فالعالم كامل، خاص القانون يتدخل باش يحمي السائقين ديال التطبيقات و المواطنين من البلطجية و يولي السائق كايجي يهزك من باب المطار و باب لوطيل و المحطة د التران بوجهو احمر و ماتكونش مضطر دير معاه فشي بلاصة مخبية فحالا غادي تتقدى من عندو الزّق !
خصوصا مع قرب تنظيم كاس افريقيا، و مع المشاكل العديدة لي كايعرفها قطاع النقل الحضري، تقنين التطبيقات غايكون حل زوين بزاف و مفيد للسياحة الوطنية و نتهنّاو من دوك الڤيديوات فحال ديال هاداك السائح فمراكش لي بغا ينصب عليه مول الطاكسي.

موضوعات أخرى