كود كازا //

عدد من ممثلي القبائل وخصوصا مايمسى بتكنة جات لمنزل حسان الدرهم اليوم، وعلنات تضامنها مع ابن عائلة الدرهم لي كيخوض معركة ضد بعض المجالس المنتخبة بالصحرا.

وجات العشرات المتضامنين من أبناء العيون، لمنزل حسن الدرهم وتناولو الكلمة وعلنوا على مكارم الأخلاق لي كيتميز بيهم هاد الراجل وبلي واقفين معاه ضد الحملات الموجهة ضدو.

هاد الناس شكرو حسن الدرهم على حسن استقبالوا ليهم، وشكؤوه على المداخلة لي دار فمجلس الجهة ولي كشف حسبهم بالأرقام بعض الاختلالات لي كاينة فالتسيير ولي خاصها توقف وخاص كولشي ايعون من جهتو.

وفالكلمة ديالو طلب حسن الدرهم من هاد الناس لي جاو مضامنين معاه، بالمساعدة واعلان الدعم الكامل واللامشروط باش يقدر ايواصل فمهمتو لي هيا الدفاع على المنطقة وابنائها، وقاليهم المثل لي كيقول اليد الواحدة راه ماكتصفق..