كود سبور//

عرفت التيرانات الأوروبية خلال ماتشات إقصائيات كأس أوروبا، اللي ملعوبة اليوم الاحد الحداد تضامنا مع المغرب والمغاربة إثر فاجعة زلزال الحوز.

وقفو اللاعبين والمسيرين والجماهير، خلال مباريات المنتخبات الأوروبية، دقيقة صمت تكريما لأرواح المواطنين المغاربة اللي ماتو بسبب زلزال الحوز، تضامنا مع عائلاتهم والمصابين والمغرب وجميع المغاربة.

الدقائق الصمت فالتيرانات الأوروبية كانت مؤثرة بزاف، وأكدت التعاطف الكبير والصادق ديال مختلف الدول وشعوبها مع المغرب والمغاربة فهاد الفاجعة، وتعكس قيمة المملكة المغربية دوليا، خصوصا وأن المغرب كان ديما سباق لتقديم الدعم لجميع البلدان فالعالم اللي كتدوز من أزمات مماثلة.