وكالات//

عرفات المنطقة السياحية ديال جبل هواينغ فإقليم قوانغآن فالشينوا واحد الحادثة خطيرة، بعدما طاح سائح من الفوق ديال جرف حيث فقد التوازن وهو كيحاول يصوّر بالتلفون ديالو.

الفيديو بيّن اللحظات المرعبة اللي زلق فيها الراجل من واحد العلو ديال حوالي 40 مترو، وتدحرج فالمنحدر شي 15 متر، قبل ما ينجّيه الله من كارثة محققة.

ومن بعد، نشر هاد السائح فالسوشيال ميديا واحد الرسالة باش يطمّن الناس على حالتو، وقال: “باركتني آلهة الجبال. طحت من جرف بارتفاع 40 متر وتدحرجت شي 15 متر. منين بدات الحجرة كتطيح، قلت راه سالات. زوين بزاف أنني باقي حي.”

وهاد الحادثة ماشي جديدة، حيث بزاف ديال المناطق السياحية فالصين وقع فيها بحال هاد الشي بسبب التصاور فوق الحافات ديال الجبال والمنحدرات، واللي تسببات فإصابات ووفيات. وهاذ الأحداث كتأكد بضرورة الحذر واحترام تعليمات السلامة فزيارات الأماكن الطبيعية الخطيرة باش نتفادو كوارث حقيقية.