وكالات//

كشَف الملياردير الأمريكي إيلون ماسك أن الكدمة اللي بانَت تحت عينو فهاد الأيام ماشي ناتجة على شي حادث ولا شي مضاربة بحال ما تيروج، ولكن السبب ديالها هو “ضربة غير مقصودة” من طرف ولدو اللي عندو 5 سنين.

وجا هاد التصريح من ماسك رداً على بزاف ديال التساؤلات فالإنترنت، من بعد ما بان للعموم وكاين كدمة باينة حدا عينو اليمنى، وهادشي خلا الناس يتساؤلو على السبب ديالها.

وكتب ماسك فبلاتفورما “إكس”: “ولدي اللي عندو 5 سنين ضربني بلكمة وأنا كنت كنلعب معاه.. عندو يد قوية بزاف”!.

هادشي وقع خلال توديع الرئيس الأمريكي دونالد ترامب لماسك فالمكتب البيضاوي نهار الجمعة، وهاد اللقاء كان ختام ودّي لواحد المرحلة اللي كانت فيها بزاف ديال التوترات بالنسبة لماسك، حسب وكالة الأنباء “رويترز”.

وخرج ماسك من المنصب ديالو فوزارة كفاءة الحكومة، وغادي يرجع يركز مجهودو على المشاريع ديالو، بحال شركة تسلا ديال الطوموبيلات الكهربائية، وشركة “سبيس إكس” ديال الصواريخ، ومنصة التواصل الاجتماعي “إكس”.

وترامب مدح ماسك وقال: “دار تغييرات كبيرة فالطرق القديمة ديال تسيير الأمور فواشنطن”.