كود – وكالات//

الدماغ البشري ماشي غير مركز للتحكم فالجسم والتفكير ولكن حتى واحد من أكثر الأعضاء الاكتر استهلاكاً للطاقة ،وخا أن الوزن ديالو ما كيفوتش تقريباً 2 في المائة من وزن الجسم، فالدماغ كيحتاج بشكل مستمر لكمية مهمة من الطاقة باش تبقى الخلايا العصبية خدامة.

فهاد الوقت كيستهلك الدماغ البشري طاقة كتقدر تقريباً بعشرات الواطات، وغالباً ما كتداول تقديرات فحدود 20 واط بالنسبة للطاقة المرتبطة بالنشاط والاستقلاب الدماغي ،وهاد الرقم كيخلي البعض يقارن الدماغ ببولة ديال ضو ناقصة الاستهلاك.

الخلايا العصبية كتتواصل فيما بينها بواسطة إشارات كهربائية وكيميائية، وهاد النشاط الكهربائي ناتج على حركة الأيونات، خصوصاً الصوديوم والبوتاسيوم، لي كتخرج من أغشية الخلايا العصبية.

وفنفس الوقت، الدماغ كيستهلك الطاقة باش يحافظ على هاد التوازن الأيوني، ويخدم العمليات الحيوية الضرورية للتفكير، الحركة، الإحساس والذاكرة.

والطاقة اللي كيستهلكها الدماغ كتجي أساساً من الغلوكوز والأوكسجين اللي كيوصلوه ليه الدم من الدورة الدموية، وحتى ملي كيكون الإنسان ناعس، الدماغ ما كيوقفش الخدمة، ولكن كيبقى كينظم وظائف أساسية وكيواصل مجموعة من العمليات العصبية والاستقلابية.