وكالات//

في أول تصويرة ليه بعدما تشخص باه بأنه مصاب بالسرطان، بان الأمير ويليام، ولد الملك دبريطانيا فيليب الثالث، فتصويرة مع الممثل الميريكاني العالمي توم كروز.

مناسبة هاد الصورة هي أن ويليام وتوم كروز حضرو لواحد الحفل خيري تدار فالعاصمة البريطانية لندن، وهي الصور لي نشرها القصر ديال باكينغهام فالكونط ديالو الرسمي على إنستغرام.

في الكلمة ديالو بالمناسبة، شكر الأمير ويليام كاع الناس لي سيفطو ليه رسائل مؤثرة كيسولو فيها على باه الملك وكيتمناو ليه الشفاء العاجل.

وشكر الناس كذلك، على الرسائل لي سيفطو ليه على ود مرتو أميرة ويلز كيت ميدلتون.كاثرين لي حتى هي دارت عملية جراحية على كرشها.